Gazmend Braka (Gaxhai), gjatë gjykimit
Policia e Vlorës sqaron se 39-vjeçari Armando Sulejmani i plagosur sonte pranë banesës së tij në lagjen “pavarësia”, ka qenë i dënuar me 20 vite burg për vrasje si ish-anëtar i Bandës së Gaxhait.
Mësohet se në 24 nëntor të vitit 2009 Gjykata e Krimeve të Rënda dënoi me burgim të përjetshëm kreun e bandës Gazmir Brakën, i njohur me pseudonimin “Gaxhai”. Ndërsa u dënuan me 25 vjet heqje lirie Armando Sulejmani, Sokol Sinemati, Edmond Leskaj dhe Gazmend Nebiu. Gjykata e Krimeve të Rënda i shpalli ata fajtorë, për tre vrasje të kryera në emër të bandës, pikërisht për vrasjen e Sadik Kurtit, Avdul Bajramit dhe Zihni Harunit, dënimi që u zbutën nga Gjykata e Lartë. Sulejmani më herët njihej edhe me pseudonimin Çipuri. Ai akuzohet për vrasjen e shtetasit Robert Boraku, ngjarje e ndodhur në datën 22. 06. 2002.
Policia po punon dhe po merr ne pyetje te plagosurin si dhe një person tjetër, i cili e shoqëronte atë.
Atentatorët kanë qenë dy persona te maskuar dhe janë larguar neper rrugicat e lagjes duke përfituar dhe nga errësira.
Policia ka shoqëruar disa persona.
Në vendin e ngjarjes, sipas policisë janë gjetur 13 gëzhoja, të cilat janë shkrepur nga dy armë. Sipas hetimeve, dy prej gëzhojave janë shkrepur nga i plagosuri dhe 11 të tjerash nga autorët.
Personi i plagosur 39-vjeçari ka qenë duke shkuar në shtëpi dhe dy persona i kane zënë pritë në hyrjen e pallatit (atentat) dhe kanë shtënë në drejtim të tij. Ndërkohë, i plagosuri i cili ka marre dy plumba ne trup por jashtë rrezikut për jetën ,i është përgjigjur me pistoletën tip TT që kishte me vete.
Për më shumë mund të lexoni edhe …
EMRI & DETAJE/ Luftë në Vlorë, pritë te dera e shtëpisë – plagoset 39-vjeçari
/web/EMRI_DETAJE_Lufte_ne_Vlore_prite_te_dera_e_shtepise_plagoset_39_vjecari_19377_1.php
