Prokuroria e Durresit ndalon kujdestaren e shtepisë së femijës Durrës, Dafina Fama, e akuzuar për veprën penale “Keqtrajtimi i të miturve”. Ndjekja penale nis menjëherë pasi rasti i dhunës ndaj një vajze jetime vetëm 3 vjeçe u bë publik në media ngaemisioni ‘Stop” i televizion ‘Klan”, të datës 31.03.2016.
Sipas urdhërit të regjistrimit të procedimit penal, Prokuroria e Durrësit shprehet se:
“Jemi vënë në dijeni lidhur me një ngjarje të denoncuar nga ky emision, ndodhur në Shtëpinë e Foshnjes, Durrës, që ka të bëjë me të dhënat për përdorimin e dhunës nga kujdestarja e kësaj shtëpie ndaj një fëmijë të moshës tre vjeç, fakt i cili, nga të dhënat e pasqyruara, përbën elementë të figurës së veprës penale të keqtrajtimi i të miturit, parashikuar nga neni 124/b të K.Penal.
Për sqarimin e rrethanave të treguara është e domosdoshme dhe nevojitet kryerja e veprimeve hetimore paraprake të mëtejshme për të bërë të mundur sqarimin e rrethanave të faktit penal dhe individualizimin e përgjegjësive penale përkatëse.
