Deputeti i PS, Ben Blushi në një deklaratë të përbashkët me kolegen Mimoza Hafizi ka prezantuar një dokument prej 20 pikash ën të cilin theksohen se pse nuk duhet votuar për referendumin.
“Referendumi konfirmon mandatin e Ramës si kryetar. Nuk bëhet fushatë sepse dihet rezultati. Bashkë me socialistët e tjerë që na u mohua e drejta do vazhdojmë luftën brenda partisë”, ka thënë Blushi.
“Referendumi është një tentative për t’u hequr të drejtën e votës anëtarëve të PS-së për të zgjedhur kreun e kësaj partie”, tha ai.
Blushi akuzoi Ramën se po kërcënon me heqje nga puna anëtarët e PS-së, duke nxjerrë në votim 90 % të tyre për referendumin e 9 prillit.
“Ai ka grabitur mandatin dhe sajon referendum”, tha Blushi. Ai më pas dhe deputetja Hafizi shpërndanë edhe 20 arsyet se përse duhet bojkotuar referendumi.
