Detaje të tjera janë zbardhur nga pengmarrja disa orëshë ditën e sotme në Tiranë. Shtetasi 39-vjeçar, Ylber Kera u mor peng nga dy persona në afërsi të një lokali në shkollën “Bajram Curri”, teksa shoqërohej nga i biri 7-vjeçar.
Pas disa orësh, ai u la i lirë në Paskuqan, në fund të rrugës “Siri Kodra”. Burime pranë Policisë, konfirmojnë se 39-vjeçari u mor peng nga dy kushërinj të tij.
Këta të fundit ende nuk janë identifikuar nga Policia, e cila po punon për kapjen e tyre. Dyshohet se konflikti ka lindur për një borxh mes 39-vjeçarit dhe kushërinjve të tij.
