Më shuamë se i sinqertë është treguar sot kryeministri Edi Rama, kur ka shpjeguar projektbuxhetin e vitit 2016, në seancën plenare të kuvendit.
Duke “justifikuar” masat ndëshkuese ndaj biznesit, veçanërisht pjesën e burgosjes, për shkeljet e ndryshme të biznesit, Rama ka lëshuar edhe “pyetje çudinë”.
“Gjobat janë të larta sepse janë për ata që shkelin ligjin. Përse burg? Po burgu për çfarë është bërë, për çfarë është bërë burgu? Është bërë t’ju presë ju? Është bërë të rrijë bosh e t’ju presë ju kur t’ju vijë rradha që të ketë drejtësi në Shqipëri?”.
Deklarata e Ramës, nuk ka kaluar pa të qeshura dhe ilaritet nga deputetët, ndaj të cilëve ai kishte gati edhe përgjigjen.
“Qeshni…, qeshni!”.
Ndërkohë, në retorikën e tij, të mëparshme, nuk dihet për çfarë arsye, por kryeministri i dha edhe një “goditje” Hotel “Sheratonit”, duke krahasuar taksat e paguara prej këtij hoteli, me ato të një furre buke në Surrel…
“Një furrë buke në Surrel paguante taksat në kohën tuaj, sa Hotel ‘Sheraton’”, u shpreh Rama.
Pyetje-përgjigja e sinqertë e Edi Ramës: Burgosje për informalitet…?! Ndaj janë bërë burgjet… !
