Kryeministri Edi Rama i shoqëruar nga kryetari i bashkisë së Durrësit Vangjush Dako, vjen për vizitë në Shqipëri. Në këtë vizitë, si për festat e Nëntorit, shprehja “bjeri nga Kina”, zëvendësohet “hip këtu të shohësh Stambollin”…, sepse kryeministri shqiptar, mësohet se udhëtoi drejt Shqipërisë me avionin e linjës “Turkish Airlines”, në sektorin e “Bisness Class”, që udhëtonte nga Stambolli në Tiranë.
“Sihariqin” për vizitën e Edi Ramës në Shqipëri e dha në rrjetet sociale kolegu ynë Artan Hoxha, i cili sikurse sqaronte vetë, ndërsa postonte këto foto, referuar edhe një tjetër kolegu të “kënetës mediatike”, e “quajti veten me fat që ndodhej me kryeministrin në të njejtin avion duke pasur parasysh sa rrallë ka nisur ta vizitojë Tiranën. Kësaj i thonë ta kërkosh në tokë, e ta gjesh në qiell”, shkruan Artan Hoxha në “Facebook”.
FOTO LAJM/ Edi Rama vjen për vizitë në Shqipëri
