Protesta e sotme e ish-të përndjekurve politikë para Parlamentit
Të përndjekurit politikë kanë tentuar të hyjnë me forcë në Kuvend ku po mbahet seanca plenare. Por ata kanë hasur forcat policore dhe janë përplasur me ta.
Kanë qenë 4 efektivë të njësisë “Shqiponja” që kanë bërë shoqërimin e njërin prej të përndjekurve në polici, pasi ka tentuar te futet në ambjentet brenda Kuvendit. Ndërkohë që ish-të përndjekurit e tjerë vijojnë protestën. Forca të shumta policore janë vënë si gardh përpara kuvendit. Protestuesit kanë hedhur edhe parulla kundër deputetëve. Ata gjithashtu kanë qëlluar edhe me vezë ndaj forcave policore.
