Replikat kanë vazhduar edhe në seancën e sotme parlamentare.
Ka qenë sfida e ish-kryeministrit Sali Berisha i cili i ka kërkuar mazhorancës të bëjë testin e drogës.
Në replikë ministri i Brendshëm Saimir Tahiri tha se ligji për dekriminalizimin duhet votuar me kokulur.
Si kundërpërgjigje ka reaguar sërish Berisha, i cili i ka kujtuar Tahirit se është i kapur nga bandat dhe se ende Emiljano Shullazi, sipas Berishës, i thërret “saje Qorri” dhe i kërkon “ti vërë gishtin kokës”.
“Nuk e mbulon dot me retorikë skafin. Pse nuk flet për skafin. Do ti sjell unë dokumentet, por të them më mirë thuaja historinë e skafit dhe të skafistit. Shko paguaj paratë mos fshi pasuritë dhe mos u fshi si mi. Flet ti për Gjin Gjonin se të ka dënuar Nexhmijen. Akuzave tuaja mostruoze Gjin Gjoni iu përgjigj me proces ligjor dhe jo si ti që fshihesh si mi. Ti i shkove Durim Bamit në qeli. Ti je i njohur si i droguar, i njohur me lidhjet e malavitës, kthen Alban Ahmetin në pikën më delikate, për të informuar gjithë trafikantët dhe pushtuar kokainën. Ty Shullazi ende të thërret dhe të paralajmëron, ‘Saje Qorri, vëri gishtin kokës’”, u shpreh midis të tjerave Berisha.
“Mesazhi i Shullazit për Tahirin: ‘Saje Qorri, vëri gishtin kokës’”
