Zëri i Amerikës: Donld Lu, akuzat ndaj policisë për Arben Frrokun dhe lidhjeve të Emiljano Shullazit me politikën

Në Shqipëri ambasadori amerikan Donald Lu, duke folur për Reformën në Drejtësi,  ju rikthye kritikave të forta ndaj institucioneve shqiptare të cilat siç tha ai lejojnë që kriminelët të lëvizin lirshëm nëpër rrugë
Shembujt e marrë nga ambasadori amerikan, sipas “Zërit të Amerikës”, janë një kritikë e fortë jo vetëm për autoritetet gjyqësore. Për rastin e Arben Frrokut pati akuza drejtuar dhe policisë, se lejoi largimin e tij për shkak të lidhjeve me shumicën në pushtet. Vëllai i tij Mark Frroku ishte deputet në parlament, si aleat i së majtës. Më vonë dhe ai u arrestua pasi akuzohet për vrasje nga autoritetet belge. Po ashtu dhe emri i Emiljano Shullazit, një personazh i njohur i botës së krimit, është lakuar disa herë për lidhje me krahë të ndryshëm të politikës shqiptare. Së fundmi, opozita ka akuzuar në mënyrë të përsëritur ministrin e Brendshëm Saimir Tahiri për kontakte me Shullazin. 
Javën e shkuar ambasadori Lu mbajti një tjetër fjalë me tone të forta ndaj atyre që sic tha ai i tremben Reformës në Drejtësi, vijon më tej raportimi i “Zërit të Amerikës”.
“Ministrat e korruptuar, deputetë kriminelë, gjykatësit e paaftë dhe prokurorët që marrin paratë tuaja, kur, kurrë nuk e ndjekin penalisht dikë. Këta persona duna të vazhdojnë të mbushin xhepat me paratë e popullit shqiptar. Mendoni për ta, sa herë që këta njerëz e kritikojnë reformën në Drejtësi”, citon Zëri i Amerikës”, ambasadorin Lu.