Kreu i degës së PD së Lushnjes, Myslim Murrizi ka publikuar sot, listat origjinale të emërimeve të mësuesve nga deputetë e PS e LSI në Lushnje.
Sipas Murrizit, këto lista janë pjesë e dosjes së gjykimit të drejtores së arrestuar të Arsimit, Liza tabaku, për pasojë dhe lehtësisht të verifikueshme nga deputetët e mazhorancës që i kundërshojnë dhe që premtojnë lënin e mandatit, në qoftë se kjo është e vërtetë.
Mesazhi i plotë i Myslim Murrizit në “Facebook”
“Nuk do doja ti publikoja origjinalet jo se më trembin laraskat e parlamentit por më shumë më vinte keq për emrat e mësuesve. Kam dy ditë që dëgjoj lloj-lloj klithme zogu deputet.
Të nderuar deputet të mazhorancës ju qe keni emrat këtu dhe ju që nuk i keni. Nëse doni të vërtetën dhe keni kurajën moralin dhe ndershmërinë që thoni , i keni të gjitha mundësitë ose nëpërmjet një komisioni hetimor ku ju të gjithë të jeni anëtarë dhe merrni një deputet të opozitës për dëshmitarë ose nëpërmjet ministrit tuaj të Drejtësisë i cili ligjërisht ka akses në kontrollin e dosjeve gjyqësore.
Të gjitha këto që po postoj tani i keni në dosjen gjyqësore të ish-drejtoreshës së dënuar Liza Tabaku dhe të shënuara me kujdes në ‘bllokun’ e famshëm të saj i cili gjendet në materialin hetimor të prokurorisë Lushnje i dërguar si prove në dosjen e saj gjyqësore para gjykatës.
Ju e mashtruat atë të pranoj gjykimin e shkurtuar duke i premtuar që do ta ndihmonit vetëm e vetëm që mos të ishit në sallën e gjyqit një nga një si zogj për ty pyetur për emrat tuaj në ‘bllok’ .
Kjo listë origjinale ka shënimin në fillim se kur është depozituar dhe të detajuar datat tuaja të ‘rekomandimeve’ për sevap.
Dhe një shënim poshtë te faqja e fundi për 790 mësues të tjerë që kanë kaluar në filtrin’ tuaj.
Pasi ti verifikoni nëse keni moral bëjeni atë që me nder po hani këto dy ditë pra dorëzoni mandatin që të gjithë”.
