Foto Ilustruese
Kryeministri Edi Rama ka zbuluar sot, se “idenë” për reformën në arsim, e ka marrë vite më parë nga një plak 100-vjeçar.
Këtë “të Vërtetë” kryeministri e bëri të ditur sot gjatë konferencës “Profesionet më të kërkuara”, nga e cila indirekt ju dha përgjigje në distancë dhe të nënkuptuar, studentëve të cilët zhvilluan dje një protestë, për ligjin e ri të arsimit të lartë, që një ditë më parë e qëlluan me vezë.
Për të pranishmit në konferencë, por edhe për studentët në distancë, kreu i qeverisë solli në kujtesë takimin me një të moshuar 100-vjeçar vite më parë kur PS-ja zhvillonte takime me banorët para zgjedhjeve parlamentare të vitit 2013
Edi Rama tregoi se kishte fjetur në shtëpinë e këtij të moshuari, dhe rrëfeu dialogun që pati me të për të treguar se reforma që ndoqi qeveria në arsim është historike.
Biseda e Edi Ramës me plakun 100-vjeçar, anonim
“As ti nuk ke për ta bërë Shqipërinë”, rrefen Rama t’i ketë thënë i moshuari.
“Pse?”, e pyet Rama.
“Sepse që të bëhet Shqipëria duhet që një qeveri të marrë përsipër se do të veprojë nga vetja për të bo arsimin. Mirëpo i kam pa, se u bona 100 vjeç, të gjithë thonë, por kur vjen puna tek arsimi nuk e prekin, se arsimi nuk të jep vota, majtë të heq vota. Se arsimi është një pemë që nga koha kur e mbjell e deri sa i ha frytet kalojnë vite të tëra mandati, dhe politikanët nuk kanë kohë me prit”, tregoi Edi Rama bisedën që kish pasur vite më parë me të moshuarin anonim.
