Dy shpërthime kanë goditur një tubim paqësor në kryeqytetin turk Ankara, si pasoj e të cilit kanë ngelur shumë të vdekur e dhjetëra të tjetër të plagosur. Ministria e Brendshme e Turqisë, pak orë pas ngjarjes thotë se bilanci i viktimave ka shkuar në 52 dhe 126 të tjerë kanë mbetur të plagosur.
Ndërkohë në të gjitha mediat sociale janë postuar shumë foto që tregojnë trupat e viktimave në vendin e ngjarjes. Shpërthimet ndodhën në afërsi të stacionit qendror hekurudhor të kryeqytetit turk. Objektivi duket se ka qenë një marshim paqeje ku behej thirrje për ti dhënë fund dhunës me grupin separatist kurd, PKK. Shpërthimet duket se janë kryer nga një kamikaz që ka hedhur veten në erë gjatë këtij tubim. Qeveria turke e ka cilësuar incidentin si “sulm terrorist”.
MINISTRIA E JASHTME DËNON SULMIN TERRORIST NË ANKAR:
Ndërkaq Ministria e Punëve të Jashtme e Republikës së Shqipërisë e dënon sulmin e sotëm terrorist të ndodhur në Ankara të Turqisë, me pasojë humbjen e jetëve të civilëve të pafajshëm. Në mesazhin e saj thuhet se “Shprehim ngushëllimet e thella dhe u gjendemi pranë popullit dhe qeverisë turke në këto momente të vështira duke uruar shërim të shpejtë për të plagosurit dhe në tejkalimin e kësaj situate.
