E dashura e Kevin Rugovës, i vrarë para dhjetë ditëve në një atentat në Tiranë, në një intervistë për gazetën Shekulli, rrëfen lamtumirën e tyre të fundit dhe mardhënien që ajo ka pas me të.
“Na ka tërhequr pamja fizike tek njëri-tjetri, ai momenti kur jemi parë. Pas asaj kohe, kemi filluar të dalim me njëri-tjetrin, më pas vendosëm të bashkëjetonim pas një muaj njohje dhe lidhjeje. Kevini ka qenë mashkull perfekt, nuk kishte asnjë defekt. Me mua sillej shumë mirë, sikur të më kishte fëmijë. Kam kujtime shumë të bukura nga ai”.
“Familja ishte në dijeni. Mami im e ka dashur shumë Kevinin. Por edhe Kevini e ka dashur shumë mamin. Ai na ka ndihmuar për çdo gjë, çdo gjë që na duhej, ai mundohej të na e plotësonte”.
E pyetur se si e mori vesh lajmin e vrasjes së tij, ajo thotë:
“Më kishte zënë gjumi dhe vetëm kur më vjen shteti, në shtëpi. Trokasin në derë. Dera ishte e mbyllur. Pasi hapën derën, më morën në komisariat dhe aty më thanë që Kevini ka ndërruar jetë. Ma thanë troç.”
“Para se Kevini të dilte, i thashë që të shkoja edhe unë me të. Më ka dashur Zoti, më tha nuk ke për të ardhur, se do isha unë në makinë me të. Kur iku, dola në ballkon dhe më përshëndeti me dorë, sikur t’ia ndjente shpirti. Më tha mirupafshim. Në momentin që ishin nisur për të ardhur, e kishin vrarë”.
Kristjana thotë se sivjet duhej të ishte në vit të tretë në gjimnaz, por nuk është në shkollë.
Ajo thotë se nuk beson se Kevini merrej me shpërndarje droge.
“Unë nuk do të rrija me një person të tillë, që të rrezikoja jetën time. Edhe mami normalisht nuk do më linte.”
