Policia italiane ka shkatërruar një bandë që grabiste vila dhe apartamente, duke arrestuar 4 shqiptarë anëtarë të saj. Operacioni i publikuar sot nga mediat italiane u finalizua në qytetin e Torinos.
Banda vepronte gjatë natës, ndërkohë që pronarët ndodheshin në shtëpi.
Sipas policisë për shqiptarët janë dokumentuar se paku 60 vjedhje në rajonin e Piemontes, mes të cilave dhe grabitja në 5 majin e vitit 2015. Gjatë kësaj grabitje në komunën e Canaveses në Torino, pronari i saj 79- vjeçar qëlloi me armë në shpatull një nga grabitësit, shqiptarin Flori Eollaj 39 vjeç.
Ndërkohë që dy shqiptarët e tjerë, pjesë e bandës mundën të largoheshin pa u kapur nga forcat e rendit. “Aktivitet e pjesëmarrje në organizata me qëllim kriminal, vjedhje, grabitje, kërcënim e mbajtje pa leje armësh e municionesh”, janë akuzat që rëndojnë mbi shqiptarët.
Sipas policisë në momentin e arrestimit shqiptarëve iu gjetën 18 autovetura të cilat dyshohet se gjithashtu janë të vjedhura.
Për më shumë mund të lexoni edhe …
Itali, pensionisti plagos hajdutin shqiptar
/web/Itali_pensionisti_plagos_hajdutin_shqiptar_1677_1.php
