Foto ilustruese
Një aksident me pasojë vdekjen e dy personave, ka ndodhur gjatë orëve të natës, midis të hënës e të martës, në Lushnjë. Dy “Benz”-a të përplasur midis tyre, njëri prej të cilëve i përplasur më pas edhe me bordurën ndarës të autostradës, ka shkaktuar dy viktimat.
Burime të policisë lokale, saktësojnë se shkaktari i dyshuar i aksidentit, ka qenë “Benz”-i me targa AA 999 JU, i drejtuar nga 37 vjeçari Fatjon Berberi. Ky mjet, ka goditur një tjetër “Benz” me targa AA 898 JX, me të cilin udhëtonin Erjon Brahimaj dhe Alban Brahimaj. Nga kjo përplasje, automjeti tjetër, është përplasur më pas me bordurat anësore të autostradës, përplasje që ka qenë fatale për jetën e Erjoni dhe Alban Brahimajt, përkaktësisht 33 dhe 39 vjeç.
Policia që shkoi në vendin e ngjarjes, nga hetimet paraprake, konstatoi se Fajton Berberi ka qenë i dehur, në momentin që drejtonte automjetin që shkaktoi aksidentin. Pas këtij konstatimi, policia prangosi të dyshuarin si shkaktar i këtij aksidenti, ndërsa pop vazhdon hetimet.
