Të dënuarit deri në 2 vjet ose ata të cilëve kjo kohë u ka mbetur pa e vuajtur do të kenë mundësi që të punojnë apo të arsimohen jashtë qelive dhe më pas të rikthehen.
Institucionet e burgjeve gjysmë të hapura dhe të hapura do të ngrihen së shpejti edhe në Shqipëri , fakt ky që e konfirmon zëvendës-drejtori i Burgjeve Bledar Skenderi në një intervistë të dhënë për Televizionin Publik Shqiptar. Projekti pilot nenkupton daljen e te denuarve jashte burgut per qellime punesimi apo shkollimi dhe me pas kthimin serisht ne qeli.
Zv drejtori i burgjeve Bledar Skenderi jep detaje se cilet te denuar do te mund te perfshihen ne kete sistem te ri. “Gjysmë liria do të thotë që persona të dënuar të kryejnë gjatë ditës punë ose shkollim dhe në përfundim të rikthehen në qeli. Nga ky sistem do të përfitojnë ata persona me marzh dënimi deri në 2 vjet ose persona që u ka mbetur dy vjet nga kryerja e dënimit, përshembull një I dënuar që është dënuar me 10 vjet dhe 8 prej tyre I ka kryer” u shpreh ai.
Implementimi i institucioneve të gjysëm lirisë pritet të nisë së shpejt në vendin tonë dhe Skënderi thotë se po përgatiten godinat për këtë sistem. “Po shikojmë mundësinë e vendosjes në godinat e Shkodrës, Fierit dhe një mundësi është ajo e Rrogozhinës” theksoi Skënderi.
Zëvendës drejtori i Burgjeve Skenderi konfirmoi edhe iniciativën për shpërblimin e punës së të dënuarve ku bashkë me ministrinë e Drejtësisë dhe të Financave të ndryshohet ligji i pagave për të dënuarit. Sipas Skënderit bizneset kryesisht ato fasone mund të punësojnë të dënuar në kompanitë e tyre.
