Ndërsa ka filluar cështja në ngarkim të ish-kryetarit të bashkisë së Vlorës, Shpëtim Gjika, një nga anëtarët e trupit gjykues ka hequr dorë nga gjykimi i kësaj çështje penale.
Konkretisht ka hequr dore gjyqtari Skender Haluci, i cili ushtron edhe detyrën e Kryetarit të Gjykatës së Rrethit Gjyqësor Vlorë. Sipas gjyqtarit Haluci motivi i dorëheqjes lidhet me faktin si ai ka njohje me një nga të pandehurit në këtë çështje penale, e konkretisht me të pandehurin Shpëtim Gjika.
Pokuroria ka kërkuar fill pas kësaj dorëheqjen edhe të pjesës tjetër të trupit gjykues me arsyetimin se konflikti i interesit ka infektuar edhe dy gjyqtarët e tjerë. “Tek organi i akuzës krijohet bindja se dy anëtarët e tjerë të trupit gjykues janë tashmë të njëanshëm, për vetë faktin se vetë kryetari i këtij trupi gjykues ka pranuar interesin në këtë procedim. Për rrjedhojë çmojmë se dy anëtarët e tjerë të trupit gjykues janë të ndikuar apo mund të ndikohen”, thuhet në pretendimin e organit të akuzës.
