Sektori i antikontrabandës në Policinë e Kukësit ka sekuestruar një sasi të madhe kafeje, e cila kishte hyrë kontrabandë në vendin tonë përmes Kosovës.
Specialistet e Krimit Ekonomik mbi bazën e informacioneve të marra në rrugë operative se shtetasi Besmir Muja, 25 vjeç banues në fshatin Shtiqën, Kukës me automjetin e tij “Benz” furgon me targa AA 396 JK transportonte një sasi të madhe kafe të futur kontrabandë, dyshohet nga Kosova me destinacion Tiranën, kanë ndërhyrë për të bllokuar automjetin e dyshuar.
Policia e ka shpallur në kërkim për veprën penale të “kontrabandës me mallra të akcizës”, ndërkohë që në cilësinë e provës materiale është sekuestruar sasia e kafes dhe mjeti me të cilën po transportohej ngarkesa kontrabandë.
Kukës, sekuestrohen 8.5 tonë kafe kontrabandë, shoferi braktis ngarkesën
