Gjykata e Shkallës së Parë e Fierit ka caktuar masën e sigurisë “arrest shtëpie” për dy të plagosurit e ngjarjes në Mallakastër, ku mbeti i vrarë 23-vjeçari Alfons Dautaj.
Kushëriri i viktimës, Kristo Fejzaj dhe Mariglen Luari të cilët akuzohen për “Kultivim të lëndëve narkotike” do të kalojnë periudhën e tyre të paraburgimit në ambientet e shtëpisë për shkak të gjendjes shëndetësore. Pikërisht për këtë arsye Prokuroria ka kërkuar këtë masë ndaj dy të rinjve. Ngjarja ku mbeti i vrarë 23-vjeçari Dautaj ndodhi më 23 qershor në fshatin Ninësh të Fratarit. Policia ka arrestuar si autorë të dyshuar të këtij krimi Artur dhe Gentjan Pashain.
Vrasja në Mallakastër, gjykata lë në “arrest shtëpie” dy të plagosurit
