Tropojë, korren 900 bimë narkotike të Përroi Kames, shpallet në kërkim 58-vjeçari

Vijojnë në Tropojë, operacionet antikanabis të koduara Kërrnaja.
Gjate ditës së djeshme efektivat e Policisë të Komisariatit të Policisë Tropojë, mbi bazën e informacioneve të marra në rrugë operative se mbi fshatin Kërrnajë, në pyll, në vendin e quajtur Përroi i Kames , kanë gjetur dhe asgjësuar 8 parcela me rreth 900 bime narkotike. Bimët varionin deri në 120 cm.
Bimët janë gjetur të kultivuara në parcela të hapura rishtas në pyll, në afërsi të livadheve në përdorim të shtetasit Hazir Madani.
Në përfundim të veprimeve të para hetimore  ka filluar procedim penal dhe është bërë shpallja në kërkim për Hazir Madani, 58 vjeç banues Kërrnajë për veprën penale kultivim të bimëve narkotike.