BE: Tsipras ta ndalë bixhozin me të ardhmen e Greqisë. FMN ndërpret bisedimet

Fondi Monetar Ndërkombëtar (FMN) ka shpallur dje se i ka ndërprerë negociatat me Greqinë në Bruksel për shkak të dallimeve të mëdha.
Kjo lëvizje befasuese e FMN-së u bë derisa Bashkimi Evropian i tha kryeministrit të Greqisë, Alexis Tsipras, që ta ndalë luajtjen e bixhozit me të ardhmen e vendit të tij, i cili gjendet në situatë të vështirë financiare dhe të ndërmarrë vendime madhore, të nevojshme për evitimin e falimentimit.
“Ka mospajtime madhore ndërmjet nesh në fushat kryesore”, tha zëdhënësi i FMN-së, Gerry Rice, dhe ka shtuar se “aktualisht nuk ka pasur progres në zvogëlimin e këtyre dallimeve”.