Nëna e Francesco Beccheti, pronar edhe i televizionit Agon Channel në Tiranë, Liliana Condomitti, mund të shkojë në burg shumë shpejt për shkak se ajo ka qënë e përfshirë në skemën e pastrimit të parave përmes koncensionit të ndërtimit të hidrocentralit të Kalivaçit në Shqipëri. Kompania “KEG”, e Francesco Becchetit, kishte kontraktuar kompaninë e së ëmës, “Energji”. Të dyja sëbashku nëpërmjet manovrave financiare, për 5 vite rresht nga 2007 deri në 2013, kanë përfituar në mënyrë të paligjshme miliona euro, të cilat më pas i kanë investuar në shoqëritë “Cable System”, “400KV” dhe “Fuqi”, të administruara po prej tyre, në bashkëpunim edhe me dy perosna të tjerë, njëri prej tyre, Troplini, tashmë është vënë në pranga. Hetimet paraprake flasin për 6 milionë euro detyrime të papaguara tatimeev në Shqipëri.
Urdhër arresti edhe për Lilianen, nënën e Francesco Beccheti
