Dollari, monedha e gjelbër amerikane, ka kërcyer sërish në tregun e brendshëm gjatë ditëve të fundit. Sipas kursit zyrtar të Bankës së Shqipërisë, një dollar këmbehej të premten me 132.18 lekë, 1.44 lekë më shumë se një ditë më parë, duke shënuar të tretën ditë radhazi me rritje dhe duke iu afruar rekordit të 13 viteve prej 133.35 lekë, të arritur në 16 mars të këtij viti.
Ndërsa euro ka vijuar rënien e lehtë për të dytën ditë radhazi. Të premten një euro u këmbye me 140.28 lekë, 0.13 lekë më pak se një ditë më parë.
Megjithatë, euro vijon të jetë e qëndrueshme në tregun vendas, rreth kuotës së 140 lekëve, ndërsa është dollari ai që po reflekton të gjitha luhatjet në bursat ndërkombëtare.
Në bursat ndërkombëtare, dollari u pozicionua për fitimin e tij të parë të përjavshëm në një muaj, ndërsa investitorët u përqendruan në perspektivën e Rezervës Federale për të rritur normat e interesit teksa homologët globale po lehtësojnë politikën.
Indeksi Dollar Spot i Bloomberg, i cili vlerëson dollarin amerikan kundrejt të 10 monedhave kryesore të tregut, shtoi 1.6 për qind këtë javë në 1,201.75 në Londër. Ai është drejtuar për avancimin e tij t parë të përjavshëm që nga 13 marsi, në ditën që u mbyll në 1,222.12, shifra më e lartë në të dhënat referuar vitit 2004.
Për javën, dollari është forcuar 2.9 për qind në 1.0661 dollarë për euro pasi u rrit për të katërtën ditë të enjten.
Dollari kërcen në tregun vendas
