Rreshejt e borës të rëna në pjesë të veçanta të vendit, duket se kanë zyrtarizuar nisjen e stinës së ftohtë të dimrit. Në hemisferën veriore, sot, tre minuta pas mesnatës ka hyrë stina e dimrit. Në këtë kohë, largësia midis Diellit dhe Tokës ka qenë 147,175,920 kilometra. Në të njëjtin moment, në hemisferën jugore të Tokës ka nisur vera. Stina më e ftohtë e vitit do të zgjasë 88 ditë, për të përfunduar më 20 mars në orën 23:45. Dimri është një nga katër stinët e vitit. Pas dimrit vjen pranvera, më pas vera dhe së fundi vjeshta.
