Në mars të vitit 1997, me qindra e mijëra njerëz të dëshpëruar iu drejtuan Portit të Durrësit me shpresën se mund të kalonin detin të sigurt drejt Italisë për një jetë më të mirë.
“Associated Press” sjell nga arkivi i saj pamjet e mësymjes së Portit të Durrësit. Policia përpiqet që të mbante nën kontroll turmën e irrituar që rendte drejt anijeve.
Në këtë ngjarje u përdor edhe marina, e cila mbrojti disa anije turke nga pushtimi i turmës. Pamjet, të cilat janë vërtet të rënda tregojnë përplasjen me policisë dhe turmës që kërkonte të ikte nga Shqipëria.
Një person shihet i shtrirë në tokë, por nuk dihet nëse ka vdekur apo është plagosur rëndë. Pas përleshjeve, policia arriti ta mbrapste turmën jashtë portit.
VIDEO ARKIV – 1997/ Mësymja drejt Portit të Durrësit dhe përplasja e armatosur me policinë
