Ka nisur dita e 22-të e protestës qytetare kundër qeverisë së kryeministrit Edi Rama.
Mijëra qytetarë, të mbledhur fillimisht në Sheshin “Skënderbej”, kanë nisur marshimin drejt bulevardit “Dëshmorët e Kombit”, ku pritet të zhvillohet tubimi kryesor përpara godinës së Kryeministrisë.
Protestuesit ecin në grup përgjatë rrugëve kryesore të kryeqytetit, duke mbajtur flamuj kombëtarë dhe pankarta. Ndërkohë, një numër i madh qytetarësh janë grumbulluar tashmë përpara Kryeministrisë, ku po vijon protesta.
Protesta është pjesë e një serie tubimesh që po zhvillohen prej 22 ditësh radhazi, me pjesëmarrësit që kërkojnë ndryshime politike dhe largimin e kryeministrit Rama.a.b
