Altin Allmuça
Altin Allmuça, 48-vjeçari me origjinë shqiptare që vrau me armë zjarri 45-vjeçaren Julieta Obzova në Greqi dhe më pas vrau veten, ka qenë i martuar dhe baba i një fëmije.
Sipas raportimeve të mediave greke, bashkëshortja e 48-vjeçarit është marrë në pyetje nga autoritetet dhe ka deklaruar se nuk kishte dijeni për një marrëdhënie të tij me Julieta Obzovën.
Policia po shqyrton ndërkohë provat që sugjerojnë se Allmuça dhe 45-vjeçarja mund të kenë pasur një marrëdhënie personale. Hetuesit po përpiqen të përcaktojnë natyrën, kohëzgjatjen dhe dinamikën e kësaj marrëdhënieje, si dhe nëse ajo lidhet me motivin e krimit.
Kontrollet në banesën e 48-vjeçarit
Autoritetet greke kanë kontrolluar edhe banesën e Allmuçës në Tavros, në kërkim të provave që mund të ndihmojnë në zbardhjen e marrëdhënies me 45-vjeçaren dhe në rindërtimin e lëvizjeve të tij para ngjarjes.
Në fokus janë pajisjet elektronike, dokumentet, telefonat celularë dhe aktiviteti online i dy personave. Hetuesit po verifikojnë komunikimet, takimet apo ndonjë konflikt të mundshëm që mund të ketë paraprirë krimin.
Ndërkohë, nëna e Julieta Obzovës ka deklaruar se nuk kishte dijeni për ndonjë lidhje të së bijës.
“Nuk di asgjë. Nuk më kishte thënë asgjë”, u shpreh ajo para gazetarëve, me lot në sy.
Nëna e 45-vjeçares tha gjithashtu se e bija nuk i kishte treguar për ndonjë lidhje dashurie dhe se ishte ndarë prej kohësh nga ish-bashkëshorti.a.b
