Gjykata e Lartë ka nisur zyrtarisht procedurën për zgjedhjen e kryetarit të ri, pasi mandati trevjeçar i Sokol Sadushit përfundon më 17 tetor 2026.
Gjyqtarët e Gjykatës së Lartë që plotësojnë kriteret ligjore dhe dëshirojnë të kandidojnë për këtë funksion kanë afat deri më 11 shtator 2026 për të paraqitur shprehjen e interesit, së bashku me dokumentacionin e kërkuar.
Zgjedhja e kryetarit të ri pritet të përfundojë përpara përfundimit të mandatit të Sadushit, me synimin që drejtuesi i ri të nisë detyrën më 18 tetor 2026. Kjo synon të garantojë vijimësinë e drejtimit të institucionit.
Pas përfundimit të mandatit si kryetar, Sokol Sadushi do të vijojë të ushtrojë detyrën e gjyqtarit të Gjykatës së Lartë deri në vitin 2029. Ai është emëruar gjyqtar i Gjykatës së Lartë në vitin 2020, ndërsa mandati i anëtarit të kësaj gjykate është nëntë vjet.
