Vendi i ngjarjes ku u qëllua Bruçi
Vladimir Bruçi është plagosur me armë zjarri mesditën e sotme në Shkodër.
Ngjarja ka ndodhur rreth orës 14:30, në lagjen “Partizani”, pranë banesës së Bruçit. Sipas informacioneve paraprake, ai dyshohet se është qëlluar disa herë me armë zjarri nga shtetasi me inicialet P. B., pas një konflikti për motive të dobëta.
Bruçi është transportuar me urgjencë në spital, ku po merr ndihmë mjekësore. Ende nuk ka të dhëna zyrtare për gjendjen e tij shëndetësore.
Policia ka identifikuar autorin e dyshuar dhe ka nisur kontrollet për lokalizimin dhe kapjen e tij.
Vladimir Bruçi ishte dhunuar rëndë edhe pak muaj më parë, në afërsi të banesës së tij. Për atë ngjarje, autorët u vunë përballë drejtësisë dhe u dënuan me rreth 16 muaj burg.a.b
