Është arrestuar disa orë pas ngjarjes së rëndë Sokrat Vata, 29-vjeçari i dyshuar për vrasjen e turistit francez 20-vjeçar, Miguel Mendes, në Ksamil.
Vata është kapur nga Policia në një pikë kontrolli të ngritur në Levan të Fierit, teksa dyshohet se po tentonte të largohej nga zona pas ngjarjes.
Sipas raportimeve, i dyshuari ishte fshehur në bagazhin e një automjeti. Mjeti drejtohej nga një vajzë, e cila dyshohet se ka pasur rol në konfliktin që parapriu ngjarjen tragjike.
Më herët, Policia kishte shpallur në kërkim Sokrat Vatën, pasi dyshohej se gjatë një konflikti për motive të dobëta në Ksamil kishte goditur me thikë turistin francez, i cili u gjet pa shenja jete në orët e para të mëngjesit.a.b
