Një tentativë vrasjeje me armë zjarri u krye mesditën e sotme në Elbasan. Ngjarja ndodhi rreth orës 13:00, në ambientet e jashtme të një lokali në lagjen “28 Nëntori”, ku një 52-vjeçar tentoi të qëllonte me pistoletë ndaj një 50-vjeçari.
Sipas pamjeve të publikuara më herët, autori qëndronte në lokal dhe, pasi pa objektivin e tij, u ngrit, mori armën që e mbante në një çantë dhe e ndoqi nga pas. Në një moment, ai i drejtoi pistoletën në kokë, por arma nuk qëlloi dhe 50-vjeçari arriti të largohej me shpejtësi.
Pas marrjes së njoftimit, shërbimet e Policisë organizuan menjëherë veprimet për identifikimin dhe kapjen e autorit. Në kuadër të operacionit të koduar “Reagimi”, u bë i mundur arrestimi i shtetasit Poli Boriçit, 52 vjeç, i dyshuar për tentativën e vrasjes.
Policia ka sekuestruar edhe armën e zjarrit, një pistoletë, që dyshohet se është përdorur gjatë ngjarjes.
