Kryeministri Edi Rama do të mbledhë kabinetin qeveritar më 24 dhe 25 gusht në Pogradec, ku ministrat do të raportojnë për punën e deritanishme dhe objektivat e secilit dikaster, ndërsa pritet dorëheqja e dy ministrave.
Bëhet fjalë për dorëheqjet e ministrit të Brendshëm, Besfort Lamallari, dhe ministres së Shëndetësisë, Evis Sala, megjithëse deri më tani nuk ka përplasje publike me kryeministrin.
Takimi i qeverisë zhvillohet pak javë para nisjes së sesionit të ri parlamentar dhe paraprin mbledhjen e Asamblesë Kombëtare të Partisë Socialiste, e planifikuar për më 7 shtator.
Mbledhja në Pogradec do të shërbejë edhe si analizë e performancës së ministrive dhe si përgatitje për prioritetet e qeverisë në muajt e ardhshëm.
Nëse kryeministri vendos të ndërhyjë në ekipin qeveritar, ndryshimet pritet të zyrtarizohen pas mbledhjes së Asamblesë Kombëtare të Partisë Socialiste, ku tradicionalisht shpallen edhe lëvizjet më të rëndësishme politike dhe qeveritare.a.b
