Protesta para Kuvendit është shoqëruar me tensione, pasi Policia e Shtetit ka përdorur ujë me piper për të shpërndarë protestuesit që ndodheshin pranë perimetrit të sigurisë.
Gjatë përplasjes, një vajzë ka mbetur e lënduar në fytyrë dhe ka marrë ndihmë në vendngjarje. Raportohet se edhe disa protestues të tjerë kanë pësuar dëmtime dhe janë rrëzuar në tokë si pasojë e ndërhyrjes së policisë.
Ndërkohë, situata pranë Kuvendit mbetet e tensionuar, me forcat e rendit që vijojnë përpjekjet për të mbajtur nën kontroll protestuesit dhe për të garantuar sigurinë rreth godinës së Parlamentit.
