Kryetari i Partisë Demokratike, Sali Berisha, deklaroi se një protestues ndodhet në gjendje të rëndë në spital pas përplasjeve të regjistruara gjatë protestës pranë Kuvendit.
Sipas Berishës, i riu po trajtohet në urgjencë pasi ka pësuar dëmtime të rënda, mes tyre thyerje të brinjëve, pneumotoraks, dëmtime në kafkë dhe ndodhet në gjendje kome cerebrale.
Deklaratat u bënë gjatë një reagimi për mediat, ku Berisha e cilësoi të pajustifikuar dhunën e ushtruar ndaj protestuesve dhe ngriti akuza ndaj autoriteteve për mënyrën e menaxhimit të protestës.
