Është rënduar bilanci i aksidentit të rëndë të ndodhur pranë qendrës tregtare TEG, në hyrje të Tiranës. Ngjarja ka shkaktuar dy viktima dhe tre persona të plagosur rëndë.
Viktimat dyshohet se janë drejtuesi i kamionit dhe një punëtor që ndodhej në mjet. Të dy janë shtetas egjiptianë.
Nga të dhënat e para, kamioni ka dalë nga rruga, ka thyer barrierat mbrojtëse dhe ka përfunduar në nënkalim, duke shkaktuar një aksident me pasoja fatale. Aksidenti ndodhi pas përplasjes me një tjetër makinë në rrethrrotullim.
Tre personat e plagosur ndodhen në gjendje të rëndë në spital, ku po marrin ndihmë mjekësore. a.b
