Laert Haxhiut, i dënuar me burgim të përjetshëm, i është gjetur sërish një aparat celular në ambientet e burgut të Drenovës. Lajmi bëhet i ditur nga gazetari Armand Bajrami, ndërsa pritet të verifikohen rrethanat se si pajisja ka hyrë në institucionin e vuajtjes së dënimit.
Haxhiu po vuan dënimin me burgim të përjetshëm, pasi në fund të vitit 2024 Gjykata e Apelit e Posaçëm kundër Korrupsionit dhe Krimit të Organizuar la në fuqi vendimin e Shkallës së Parë.
Ai është shpallur fajtor për vrasjen e Zamir Latifit dhe Jurgen Hoxhës, si edhe për plagosjen e Marjus Xhepexhiut dhe Bujar Turkut gjatë një ngjarjeje të ndodhur në Lushnjë në vitin 2017.
Laert Haxhiu njihet gjithashtu si një nga kundërshtarët e grupit kriminal të drejtuar dikur nga Aldo Bare në Lushnjë. Ndaj rastit të gjetjes së celularit pritet të kryhen hetime dhe verifikime të mëtejshme nga autoritetet përkatëse.
