Kryetari i Partisë Demokratike, Sali Berisha, ka akuzuar kryeministrin Edi Rama se po përdor institucionet shtetërore për të goditur protestën qytetare, të cilën e cilësoi si lëvizjen më të madhe rinore që ka njohur vendi që nga vitet ’90.
Në një deklaratë në mbledhjen e grupit parlamentar të PD, Berisha tha se qëndrimi i qeverisë ndaj protestuesve përbën një akt të rëndë kundër demokracisë dhe dëshmi të karakterit autoritar të qeverisjes.
Lideri i opozitës tha se qeveria ka angazhuar Policinë e Shtetit dhe Shërbimin Informativ Shtetëror dhe punonjës të administratës publike për të krijuar llogari të rreme në rrjetet sociale, me synim, sipas tij, diskreditimin e protestës dhe uljen e shikueshmërisë së përmbajtjeve që lidhen me të.
Berisha deklaroi se qeveria po përdor të gjitha mjetet për të penguar protestën, duke shtuar se kjo lëvizje, sipas tij, ka ekspozuar para opinionit publik mënyrën e qeverisjes së Edi Ramës.
Deklaratat e Berishës u bënë përmes Zyrës së Medias dhe Komunikimit të Partisë Demokratike.a.b
