Ish-drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, është paraqitur këtë të martë në ambientet e Prokurorisë së Posaçme Kundër Korrupsionit dhe Krimit të Organizuar (SPAK), në zbatim të masës së sigurisë “detyrim paraqitje” të caktuar ndaj saj.
Karçanaj u paraqit pranë organit të akuzës në përputhje me detyrimin e përcaktuar nga gjykata, ndërsa nuk bëri deklarata për mediat.
Ish-zyrtarja është nën hetim në kuadër të procedimeve të SPAK, ndërsa masa “detyrim paraqitje” e detyron atë të paraqitet periodikisht pranë autoriteteve, sipas afateve të përcaktuara nga gjykata.
