Gjykata e Posaçme Kundër Korrupsionit dhe Krimit të Organizuar (GJKKO) ka shtyrë seancën gjyqësore ndaj kryebashkiakut të Tiranës, Erion Veliaj, për shkak të mungesës së avokatit mbrojtës, Plarent Ndreca.
Për shkak të mosparaqitjes së tij në seancë, trupi gjykues vendosi ta gjobisë avokatin Plarent Ndreca me 50 mijë lekë.
GJKKO caktoi që seanca e radhës të zhvillohet më 15 shtator, në orën 10:00, kur pritet të vijojë shqyrtimi i çështjes.
Veliaj po përballet me procesin gjyqësor në GJKKO në kuadër të procedimit të nisur nga Prokuroria e Posaçme (SPAK).
