Gjykata e Posaçme Kundër Korrupsionit dhe Krimit të Organizuar (GJKKO) ka pranuar kërkesën për gjykim të shkurtuar për kryebashkiakun e Shkodrës, Benet Beci, si dhe për të pandehurit Adela Ruko, Edlira Mitrushi, Jonid Kazani, Yllka Nishku dhe Rudin Gjoni, të akuzuar për shpërdorim detyre dhe favorizim në procedurat e tenderave.
Në të njëjtën seancë, GJKKO vendosi të ndajë çështjen për të pandehurin Premtim Dauti, i cili do të gjykohet me procedurë të zakonshme.
Ky procedim penal ka nisur si një fraksion i veçuar nga hetimet e zhvilluara ndaj ish-drejtorit të Autoritetit Rrugor Shqiptar (ARRSH), Evis Berberi. Sipas organit të akuzës, provat e administruara gjatë atij hetimi çuan në nisjen e këtij procedimi të veçantë, që lidhet me dyshime për shpërdorim detyre dhe favorizim në tendera.a.b
