Një ngjarje e rëndë është regjistruar mbrëmjen e së dielës në qytetin e Elbasanit, ku tre adoleshentë kanë mbetur të plagosur pas një konflikti që përfundoi me përdorimin e armës së zjarrit.
Sipas informacioneve paraprake, ngjarja ka ndodhur në lagjen “Banesa”, ku të rinjtë fillimisht janë përfshirë në një konflikt fizik. Më pas, përplasja ka eskaluar dhe janë dëgjuar të shtëna me armë, duke lënë të plagosur tre persona.
Të lënduarit janë transportuar me urgjencë në Spitalin Rajonal të Elbasanit, ku po marrin ndihmën mjekësore. Deri më tani nuk janë bërë të ditura detaje mbi gjendjen e tyre shëndetësore.
Menjëherë pas ngjarjes, shërbimet e Policisë kanë mbërritur në vendngjarje, kanë rrethuar zonën dhe kanë nisur hetimet për të sqaruar rrethanat e konfliktit, si dhe për identifikimin dhe kapjen e autorit ose autorëve të përfshirë.a.b
