Prestige Resort në Golem, arrestohen administratori dhe katër punonjës pasi dyshohet se mbajtën të mbyllur inspektorët e Tatimeve.
Pesë persona, mes tyre administratori i Prestige Resort në Golem, janë arrestuar nga Policia e Kavajës, pasi dyshohen se kanë mbajtur të mbyllur për një kohë të konsiderueshme punonjësit e Task Forcës së Drejtorisë së Përgjithshme të Tatimeve, të cilët ndodheshin në resort për kontroll edhe pse ditë e shtunë (dje paradite). Prestige Redort është pronë e Hysenbelliu group që pronëson edhe tv News 24 që transmeton protestat.
Në pranga kanë rënë Sokol Noka, 34 vjeç, administrator i resortit, Zamir Jaupaj, 56 vjeç, shef finance, Arben Kallfa, 56 vjeç, shef i sigurisë, si dhe punonjësit e sigurisë Haxhi Sefa, 64 vjeç dhe Besnik Aliaj, 57 vjeç.
Sipas Policisë, arrestimi i tyre u bë pas kallëzimit të punonjësve të Task Forcës së Tatimeve, të cilët deklaruan se më 18 korrik 2026 janë penguar dhe janë mbajtur të mbyllur brenda ambienteve të resortit, ndërsa po kryenin kontroll në kuadër të detyrës.
Pesë të arrestuarit akuzohen për veprën penale “Heqja e paligjshme e lirisë”. Materialet procedurale i janë referuar Prokurorisë për veprime të mëtejshme.a.b
