Një 37-vjeçar është arrestuar nga Policia e Durrësit, pasi dyshohet se grabiti me forcë xhiron ditore të një dyqani të një kompanie celulare.
Sipas Policisë, rreth orës 15:15, në lagjen nr. 16 të Durrësit, shtetasi me inicialet G. R., 37 vjeç, hyri në dyqan dhe mori me forcë rreth 100 mijë lekë të rinj, që përbënin xhiron ditore të biznesit, për t’u larguar menjëherë nga vendngjarja.
Menjëherë pas njoftimit, shërbimet e Forcës së Posaçme Operacionale “Shqiponja”, në bashkëpunim me strukturat e Komisariatit të Policisë Durrës, organizuan ndjekjen e autorit të dyshuar.
Falë reagimit të shpejtë të uniformave blu, 37-vjeçari u lokalizua dhe u kap në lagjen nr. 6 të qytetit, vetëm pak minuta pas grabitjes.
Grupi hetimor, nën drejtimin e Prokurorisë, vijon veprimet për dokumentimin e plotë ligjor të ngjarjes, ndërsa materialet procedurale i janë referuar organit të akuzës për veprime të mëtejshme.
