Projektligji për Bankën e Shqipërisë, mbrojtje e veçantë ligjore për Guvernatorin dhe zëvendësguvernatorët
Projektligji i ri për Bankën e Shqipërisë parashikon një regjim të posaçëm mbrojtjeje ligjore për Guvernatorin dhe zëvendësguvernatorët, duke përcaktuar se ndaj tyre nuk mund të kryhen arrestime, privim lirie, kontroll personal apo kontroll i banesës pa autorizimin paraprak të Gjykatës Kushtetuese.
Sipas draftit, përjashtim nga ky rregull bëjnë vetëm rastet kur Guvernatori ose zëvendësguvernatorët kapen në flagrancë ose ndiqen menjëherë pas kryerjes së një vepre penale.
Në çdo rast tjetër, prokurori duhet t’i drejtohet Gjykatës Kushtetuese për të marrë autorizimin për arrestimin ose kontrollin. Gjykata ka afat dy javë për të shqyrtuar kërkesën. Nëse brenda këtij afati nuk merret një vendim, kërkesa konsiderohet e refuzuar.
“Neni 72
Dispozita të veçanta për administratorët
1. Guvernatori dhe Zëvendësguvernatorët nuk mund të arrestohen ose të privohen nga liria në ndonjë formë, as t’i nënshtrohen kontrollit personal apo të banesës, pa autorizimin e Gjykatës Kushtetuese, përveç rasteve kur kapen në flagrancë ose ndërsa janë në ndjekje menjëherë pas kryerjes së një krimi.
**2. Me përjashtim të rastit të specifikuar në pikën 1 të këtij neni, prokurori i çështjes duhet të kërkojë menjëherë autorizimin e Gjykatës Kushtetuese përpara se të kryejë arrestimin, kontrollin personal ose të banesës së Guvernatorit dhe Zëvendësguvernatorëve. Gjykata Kushtetuese merr vendim për autorizimin brenda dy javëve nga data kur i paraqitet çështja. Në rast se Gjykata Kushtetuese nuk vendos brenda këtij afati kohor, kërkesa për autorizim konsiderohet e refuzuar”, thuhet në nenin 72 të projektligjit për Bankën e Shqipërisë.a.b
