Protesta e 47-të radhazi kundër qeverisë vijoi edhe sot përpara godinës së Kryeministrisë, pas një marshimi në rrugët kryesore të Tiranës.
Gjatë tubimit, qytetarët dhe aktivistët përsëritën thirrjet drejtuar institucioneve të drejtësisë për hetimin e kryeministrit Edi Rama dhe zëvendëskryeministres Belinda Balluku, ndërsa në kor u dëgjuan thirrje si: “Arrestoni Ramën, arrestoni Ballukun!”
Marshimi kaloi edhe në zonën e Ish-Bllokut, ku protestuesit kërkuan largimin e kryeministrit dhe brohoritën slogane si “Shqipëria e Re”, “Revolucion”, “Ju erdhi fundi” dhe “Poshtë patronazhistët”.
Një tjetër moment i protestës ishte shkrimi i një mesazhi gjigant në asfalt, përballë Kryeministrisë, me mbishkrimin “Rama-Balluku, SPAK YOU!”, si thirrje drejtuar Prokurorisë së Posaçme për të hetuar drejtuesit e qeverisë.
Gjatë fjalës së tij, aktivisti Edison Lika kërkoi që SPAK të zhvillojë hetime ndaj kryeministrit Edi Rama, duke theksuar se mbështetja për institucionet e drejtësisë duhet të shoqërohet me hetime ndaj zyrtarëve të lartë. a.b
