Me qindra mijëra qytetarë janë mbledhur në Tiranë në protestën kundër qeverisë, duke kërkuar largimin e menjëhershëm të kryeministrit Edi Rama.
Lëvizja protestuese ka gjetur mbështetje edhe jashtë kufijve të Shqipërisë, me tubime dhe aktivitete solidarizuese në disa vende ku jetojnë komunitete shqiptare ndërkojë disa mijëra prej tyre morën pjesë sot në protestë.
Ajo që bie në sy në këtë protestë është pjesëmarrja e gjerë e qytetarëve të të gjitha grupmoshave. Në marshim janë bashkuar pensionistë, punonjës, të rinj dhe të reja, duke e kthyer atë në një manifestim masiv qytetar.
Një tjetër element domethënës është prania e familjeve me fëmijë të vegjël. Shumë protestues kanë marrë pjesë në marshim së bashku me fëmijët e tyre në karroca, duke përcjellë mesazhin e angazhimit qytetar për të ardhmen e vendit.
Pamjet nga protesta flasin vetë për përmasat dhe atmosferën e këtij mobilizimi qytetar. m.k
