SPAK dorëzon 24 urdhër-arreste për Policinë e Shtetit dhe Interpolin, nisin procedurat për administrimin e pasurive të sekuestruara
Prokuroria e Posaçme kundër Korrupsionit dhe Krimit të Organizuar (SPAK) u ka dorëzuar Policisë së Shtetit dhe Interpolit 24 urdhër-arreste në kuadër të hetimeve për dy dosje të rëndësishme të krimit të organizuar, atë të njohur si “Aruba” dhe dosjen që lidhet me trafikimin e rreth 50 tonëve kokainë.
Ndërkohë, për afro 500 asete të sekuestruara në kuadër të këtyre hetimeve, Agjencia për Administrimin e Pasurive të Sekuestruara dhe të Konfiskuara ka nisur procedurat për emërimin e administratorëve shtetërorë. Pasuritë përfshijnë biznese, shoqëri tregtare, hotele, prona të paluajtshme, llogari bankare dhe asete të tjera me vlerë të konsiderueshme ekonomike.
