Kuvendi miratoi sot projektligjin për dhënien e amnistisë penale. Nisma mori 84 vota pro dhe u miratua me shumicën e nevojshme të votave. Në seancë ishte i pranishëm edhe kryeministri Edi Rama. Kuvendi u shty pasdite për shkak se maxhoranca nuk bënte 84 vota nëse Rama nuk do ishte i pranishëm, kjo për shkak të votave të Ballukut e cila nuk shkon në Kuvend dhe Koçekut që ka lënë grupin.
Votimi u zhvillua në mungesë të deputetëve të opozitës, të cilët nuk morën pjesë në proces. Ndërkohë, deputeti Agron Shehaj u përjashtua nga seanca parlamentare.
Projektligji për amnistinë penale ishte një nga pikat kryesore të rendit të ditës në seancën e së enjtes dhe miratimi i tij u bë vetëm me votat e mazhorancës. a.b
