Protesta e 94-t kundër qeverisë së Edi Ramës është shoqëruar me tensione dhe përplasje para Kryeministrisë, ku protestuesit u përplasën me gardhin policor të vendosur përpara godinës.
Pas përshkallëzimit të situatës, Policia e Shtetit ka nisur shoqërimet. Deri më tani, 11 protestues janë shoqëruar, ndërsa një grup protestuesish është paraqitur pranë Komisariatit nr. 3, duke kërkuar lirimin e tyre.
Gjatë protestës, qytetarët kanë bllokuar të dyja hyrjet e Kryeministrisë dhe kanë kërkuar që kryeministri Edi Rama të dalë përballë tyre.
“Dorëheqje!” dhe “Ju erdhi fundi!” ishin ndër thirrjet e protestuesve, të cilët prej 94 ditësh vijojnë aksionin kundër qeverisë.
Përshkallëzimi i protestës vjen një ditë pas paralajmërimeve për nisjen e aksioneve të mosbindjes civile gjatë muajit shtator.
Forca të shumta të Policisë së Shtetit ndodhen në zonën përreth Kryeministrisë, ndërsa efektivët po përpiqen të mbajnë situatën nën kontroll dhe të garantojnë perimetrin e sigurisë së godinës.m.k
