Bulevardi “Dëshmorët e Kombit” mbushet me protestues në ditën e 18-të të tubimeve kundër qeverisë
Mijëra protestues kanë zbritur sërish në rrugët e Tiranës në ditën e 18-të të protestave kundër qeverisë, duke u mbledhur fillimisht në Sheshin “Skënderbej” dhe më pas duke marshuar drejt bulevardit “Dëshmorët e Kombit”.
Pjesëmarrësit kanë bllokuar qarkullimin në një nga akset kryesore të kryeqytetit, ndërsa kanë vijuar tubimin me thirrje dhe pankarta kundër kryeministrit Edi Rama dhe qeverisë.
Në protestë kanë marrë pjesë qytetarë të grupmoshave të ndryshme, aktivistë dhe shqiptarë të ardhur nga diaspora, të cilët kanë shprehur pakënaqësitë e tyre dhe kanë kërkuar ndryshime politike. Kryesisht këtë mbrëmje e morën fjalën pensipnistët.
Organizatorët kanë deklaruar se protestat do të vijojnë edhe në ditët në vijim, ndërsa kërkesa kryesore mbetet largimi i kryeministrit Edi Rama dhe i qeverisë së tij.a.b
